收到建議叫阿蛋介紹多啲小店，帶多啲選擇同新鮮感畀大家。顧名思義，「小店」即係規模細、較少人認識嘅商戶(界線定為社交平台少於10K fol)。合資格嘅小店歡迎移步到網站填FORM，或者大家有推薦都可以報料。今次先介紹6間良心女裝網店，各位女孩子想買新衫過聖誕節、過新年都可以幫襯返良心小店喇！
大地色系服飾 兼做文創寄賣
❙ CALOSEDO
「Calosedo」專售大地色系衣物，主要台，韓，日入口，而且非中國製造。佢地嘅《自家VOL》系列係台灣人手製造，連標籤都係台灣生產，非常有誠意。買衫會送文宣，網站仲有文創寄賣，買衫之餘仲可以支持埋文宣師，一舉兩得！
情侶／閨蜜韓裝 襯好晒唔洗煩
❙ Lemonade
(@lemonade.hk)
相信大家打開衣櫃要諗襯咩衫已經好苦惱，莫講要襯埋另一半或者同閨蜜配埋。其實一啲都唔難，因為有「Lemonade」幫你！一套套韓裝襯好晒，仲有上身效果，示範唔同風格，非常方便。
2個女仔的隨性日常韓裝
❙ 𝗝𝗖 𝘀𝘁𝘆𝗹𝗲
「JC Style」嘅風格好隨心隨性，冇太多花巧，比較適合學生。鍾意佢地啲取景多為大自然，感覺好舒服，仲可以邊買邊欣賞咁靚嘅香港！
日系輕熟風 OL適用
❙ CBACBU
(@cba_cbu)
日系都分好多種，「CBACBU」嘅日本服飾就有東京個種時尚感，摩登啲、成熟啲、有女人味啲，返寫字樓工都冇問題。
簡約系女生必入
❙ CK
(@ck.room)
「CK」嘅風格偏向簡約、簡潔，單色為主，絕非花巧之作。款式長青不老，好襟配搭，日常約會、返學、返causal少少嘅工作都適合。
正版潮牌 著出甜美街頭風
❙ CALLAB
潮牌款式愈出愈多變，再唔係以前一年tee加logo就算。款式有新鮮感，質素又有一定保證，絕對值得入手。「CALLAB」有可愛model示範點樣著出甜美嘅街頭風，亦有分節售賣韓裝，相信各位女孩子們都會大豐收！
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments