集合香港時裝設計師・一個平台買盡本地時裝

852eggies
Dec 19, 2020
2 min read

唔知大家會唔會同阿蛋一樣，每日都有兩大煩惱：今日諗著咩好？晏晝食咩好？成日好似冇衫著，但又唔知可以去邊買衫。想買啲特別啲又唔想出街撞款？如果話你知，有個平台可以買到香港本土設計嘅男女時裝，一個網站就可以買埋返屋企呢？

時裝品牌網購平台

「INDEPIECE」係一個滿足到大家嘅購物平台，云集時裝品牌，男女裝，衣物、飾物、鞋、袋等一應俱全。今天有幸可以聯絡到佢地，了解一下平台嘅成立、願景等。

品牌：Project 4

「一直睇到好多香港黃店都唔係賣緊香港設計產品，我哋認為要令香港產業發展，必須支持同鼓勵更多香港原創品牌成立。」原來佢地成立哩個平台，係源於香港人嘅購物現象。主流都會傾向留意外地品牌，變相香港品牌難以掘起。創辨人指，成立「INDEPIECE」係希望可以幫到更多本地設計品牌開拓銷售渠道，等大家可以更容易認識同支持香港品牌。

品牌：Natural Attention

對於本土時裝設計業

「希望喺未來，香港人唔係單純因為想支持本土品牌而購買本地產品，而係因為香港品牌產品吸引」幸好近年大家都開始注重衣物產地、用料同設計，唔再係因平而買，量購一批然後著一季就掉棄。雖然本土設計仲係一撮小火光，需要大家嘅大力支持，加上「INDEPIECE」嘅推動，假以時日，但願香港都可以擁有好多吸引、過人嘅本土設計、自家品牌，亦可以達成平台嘅願景——「建構香港文化，令香港成為更吸引嘅地方。」

品牌：gong1 long4 coi4 zeon6

INDEPIECE’S PICK

敢問平台眾多品牌，有冇邊個比較特別或者值得推介嘅品牌？創辨人就私心推介咗「Zolton」。

「Zolton」係香港本土品牌，致力為球男性時裝市場帶嚟優秀時嘅皮具配件。由設計、配色、皮革選擇，到樣版製作、成品設計及包裝, 每一個步驟都經過專才用心打理，由專業工藝作家手工製成。每件產品都充滿手藝品嘅真誠，高尚嘅專業，質素更稱得上是完美無暇。除咗固定款式，佢地亦接受個性化製作。以傳統獨銅模刻印，印上專屬嘅字句，成為獨一無二、個性化嘅皮革用品。無論送禮定自送都好適合、體面。創辨人仲特意推介防RFID嘅銀包系列。除了外觀吸引，實用之餘，亦可可以保障個人私隱。