最近興起巴斯克蛋糕。佢雖然比一般芝士蛋糕醜陋，外表皺皮而且濃焦成深啡色，但其實深藏不露。 到底佢同紐約芝士蛋糕、日式芝士蛋糕三者有咩分別呢？而巴斯克蛋糕又係點嚟呢？
巴斯克蛋糕起源
巴斯克其實係法國同西班牙嘅北部邊境一帶地區。相傳巴斯克蛋糕就係十七世紀中期於法國起源，本意係想用做麵包嘅方式將玉米片混入麵糰，後來每家每戶就以各自獨特嘅配方製作以及流傳畀下一代，形成各式各樣嘅「巴斯克蛋糕」。有見及此，早期嘅巴斯克蛋糕只係一般家庭嘅傳統甜品，所以蛋糕名字嘅「Etxeko biskotxa」中「Etxeko」含意就係代表家庭嘅「房子」。
直到二十世紀中期，巴斯克蛋糕先喺法國由簡樸嘅家庭料理變成商業甜品，更成為巴斯克地區嘅特色甜點。其後被改良，加入吉士達奶油同黑櫻桃醬做餡，用酸味去中和膩感，味道更加昇華。
巴斯克芝士蛋糕 VS 紐約芝士蛋糕 VS 日式芝士蛋糕
巴斯克芝士蛋糕同紐約芝士蛋糕喺製作過程上其實冇咩大分別，只係材料上少許差異。巴斯克芝士蛋糕則有5樣基本材料︰忌廉芝士、糖、雞蛋、忌廉及低筋麵粉，較為輕巧、軟綿、水份較多。常溫或者雪凍先食都可以，比較細滑。重點喺表面嘅燒焦層，帶焦糖味道，令芝士蛋糕嘅乳香味更上一層樓。三者之中，巴斯克芝士蛋糕嘅外表係最其貌不揚，最唔光滑，但千祈唔好以貌取蛋糕，佢絕對係深藏不露！
其貌不樣嘅巴斯克蛋糕而紐約芝士蛋糕有4樣基本材料︰忌廉芝士、糖、雞蛋及牛油，質感比較膩重。通常凍食，雪後口感有少少似雪糕，慢慢喺口腔溶化，乳香四溢，更帶點鹹香。坊間亦有好多版本，多以水果嘅甜酸味去平衡芝士嘅膩感。
乳香四溢嘅紐約芝士蛋糕三者之中，日式芝士蛋糕入口係最冇膩感，亦係最重著外貌。蛋糕嘅中心唔可以下陷、整個回縮、表面要光滑、色澤上亦要均勻，所以打拌蛋白嘅步驟同埋焗爐嘅溫度控制就就變得非常重要。另外日式芝士蛋糕所需嘅材料比較繁多，焙烘新手未免有啲難度。
著重細節嘅日式芝士蛋糕良心芝士蛋糕店
i．空姐的烘焙夢 原始巴斯克蛋糕
One Lick Cake
呈配出最原始嘅味道，人口有淡淡檸檬嘅清香幫助解膩消滯。入口有芝士嘅香濃但唔膩重，除咗經典原味，仲有泰式奶茶味同伯爵茶味。茶香配乳味，同樣抵銷膩感。口感方面相對實在，唔會軟林林流心般質地，但仍保持海綿一樣嘅軟綿。
ii．高級酒店水準 多變化新式蛋糕
Relive Studio
https://relive.hk/
「Relive」嘅出品唔係巴斯克芝士蛋糕，而係較水感、鬆軟嘅日式芝士蛋糕同改良成更有造型同獨特口味嘅美式芝士蛋糕。不得不佩服店主對食譜嘅執著，一而再、再而三改良，令芝士蛋糕變得不平凡。
iii．罕見冧酒提子味 流心質感巴斯克蛋糕
Sunday Social Bakery
除咗常見嘅原味同各款茶味，「Sunday Social Bakery」推出咗罕見嘅「冧酒提子味」。酒香同芝士意想不到地夾，加埋冧酒漬醃過嘅提子乾，有些少咬口而且更突出酒味。比較吸睛嘅係佢地出品嘅巴斯克芝士蛋糕中間呈流心狀態，雪凍咗之後好似香滑嘅軟雪糕，入口即溶。愛酒嘅朋友千萬唔好錯過！
iv．生酮/無麩質/糖尿病人士之選
Jessie Keto (@jessieketocom)
*未有表態資料*
「Jessie Keto」出品嘅芝士蛋糕完全冇麵粉、糖同反式脂肪，非常適合生酮飲食者、素食者同糖尿病人仕。味道眾多，除咗原味同茶味，亦有焦糖咖啡、花生、芝麻、朱古力，迎合唔同喜好嘅朋友。除咗生酮飲食者，注意每日熱量吸收嘅減重人仕都適合，因為比起傳統芝士蛋糕(每件約568卡路里)，生酮芝士蛋糕只有307卡路里，而糖份更少於1g，可以過下想食甜品嘅心癮而冇罪疚感！
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments