唔知大家睇Netfilx嘅時候會唔會特別口癮，想搵啲零食邊食邊chill呢？原來香港唔只良心零食入口商，今日要介紹嘅零食好食、有特色之餘，仲係本土品牌。全部都獨立包裝，亦可以網站訂購，方便可以隨時開、隨時食。
創新爆谷 Bailey、四川麻辣味
❙ Popcorn Brother
標題話明睇Netflix，又點少得爆谷？原來香港都有自家品牌嘅爆谷，採用美國原材料，每日新鮮製造。味道新穎出眾，有Baileys Chocolate、Baileys Caramel、四川麻辣味等，當然唔少得最基本嘅咸牛油同焦糖，不論係嗜甜、愛咸定係鐘意試新口味嘅朋友都啱，仲有5L裝一家大細一食享受睇戲時光添！另外仲好貼心咁推出2L、1L同450mL輕便裝，想過下口癮或者兩口子都可以揀個少份量。
14款腰果口味 健康過食薯片
❙ Nutchies HK
原味腰果有Omega 3脂肪酸，幫忙加速脂肪燃燒、提高基礎代謝率，從而防止肥肉囤積，所以腰果本身營養價值好高。如果口痕又唔想食淡而無味嘅腰果，「Nutchies」就幫到你！佢地有14款薯片味嘅腰果：炸雞味蠶豆、炸雞味腰果、粟米、鹹蛋黃、冬陰功、黑胡椒、沙律醬、辛辣味、香蒜、日式芥末、肉醬意紛、蜂蜜奶油-、芝士-、鹽味焦糖。款款都好創新，包你意想不到！最近仲推出限量口味「黑松露味腰果」，真係甜酸苦辣、韓日泰星西式風味都食勻晒！
邪惡鹹蛋味零食 一食上癮！
❙ 星嚼 Starchew
📍旺角亞皆老街8號朗豪坊商場B2樓層38號舖
📍元朗大棠路7號恆隆大廈地下7B鋪
曾經風靡一時嘅鹹蛋味炸魚皮震驚大家味蕾，冇諗過鹹蛋黃配脆口小食都咁夾，大人細路都爭住食。其實唔只炸魚皮，「星嚼」出品嘅「鹹蛋無腦蝦頭」同「鹹蛋味薯片」都一樣酥脆可口、鹹香十足，好食到停唔到口！好多人以為「星嚼」係新加坡咕牌，但其實係由一位香港人同一位台灣人創立嘅良心品牌嚟㗎，大家可以放心支持。
公平貿易：保障生產者、保護環境、發展公義社會
❙ 細味公平 Fair Taste
「細味公平」主張公平貿易，希望透過消費者嘅力量改善生產者嘅工作環境同社區經濟，減少貿易過程中對生產者嘅剝削。產品包括咖啡豆、果乾、朱古力、曲奇、腰果糖等，全部都係採用100%公平貿易材料，香港新鮮製造，有機、不含基因改造成因之餘，仲可以為貿易公平性出一份力，健康又有意義。能夠將社會關注嘅議題身體力行，著重長遠、可持續發展嘅貿易模式，而且係香港有良心嘅本土品牌，絕對值得真香港人支持！
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comentários