抗疫期間大家都唔敢出街，多咗喺屋企都忍唔住搵零食過口癮，同時少咗運動，身體就積聚多咗脂肪。最近疫情緩和，出街都見多咗人跑步。除咗運動之外，配合適合自己嘅飲食法除咗可以減脂，亦可以提高代謝、穩定升糖等。今次介紹個無痛減肥飲食法，唔洗節食又唔洗戎口，睇下適唔適合你啦 LET’S GO ⇢
謎思（1）減肥一定要節食？
每人體質、生活習慣、飲食喜好唔同，要搵適合自己、能堅之以恆嘅減肥方法先長遠同健康。最無痛、最容易作為起點，亦係近年流行嘅「8:16飲食法」就唔需要刻意節食。只需要正常均衡進食米飯、肉類同蔬果就可以。另外亦需要保持充足睡眠及多飲水。當然，若果配合埋運動塑型，身材會更加好睇，成果事半成倍。
謎思（2）咁咩係「8:16飲食法」？
「8:16飲食法」係一種「間歇性斷食」(Intermittent Fasting)。意思係每日集中「8小時進食」，另外16小時都唔可以進食，只可以飲水飽腹。其實香港人平均睡眠時間8小時，所以只係瞓前4小時、瞓醒4小時唔食嘢，就可以輕鬆達成。留意每日嘅進食嗰8小時都係固定時間先有效。
謎思（3）唔食早餐唔健康？
其實人體唔需要不停進食同吸取營養。16小時空肚可以等肚內殘留嘅食物好好消化，然後將能量轉成代謝，有助燃燒更多脂肪，亦可以減少脂肪積聚。唔食早餐，而將進食8小時集中喺固定時間係更健康。
謎思（4）人人都適合「8:16飲食法」？
如果腸胃本身不健康，例如容易胃酸倒流、長期胃痛患者等都唔適合。縮短到8小時嘅短期飲食法會令胃部帶來不適。另外，準備懷孕、孕婦、喂哺母乳嘅媽媽、患有糖尿病、低血壓、內分泌失調、有進食障礙等人仕都唔適合。
謎思（5）進行一星期都未見效？
8:16飲食法係幫助我地提升代謝，所以最先減走嘅係內臟脂肪，其次腰間脂肪。「欲速則不達」，任何減肥方法都係長期進行，等身體慢慢適應同燃脂先健康，所以要堅之以持，身體其他部位先會見效。
⟠
健康零食推介
1 ❙ Snacks N Veg 周圍素
https://snacksnveg.boutir.com/
專為為食嘅素食者而設嘅健康零食雜貨。較多係有機、天然、無添加防腐劑。有手製薯片、零食棒、脆餅等，零食細細包，咁就唔驚掛住睇Netflix唔為意食多咗啦。
2 ❙ 食良 Eat Good
www.eatgoodhk.store
專售低碳、高蛋白嘅食物，有運動前後必備嘅「蛋白零食條」、「高蛋白泡芙」等，除咗適合重訓人士食用，亦有適合生酮、素食、減肥人仕嘅零食。唔會增加罪惡感之餘，亦可以適當地補充蛋白質。
3 ❙ FOODMEN
www.foodmenhk.com
食物主張有機、低碳、低醣、天然，減重人仕適合之外亦好啱生酮飲食者。例如上圖嘅炸魚皮，係無糖、非油炸、無化學添加劑、無澱粉，食完都唔會有罪疚感。而除咗零食，仲有各類健康烹仕用食材同醬料，啱晒「自煮人仕」㗎！
4 ❙ Soso Life
*註：韓國品牌，無政治表態
有主食嘅低卡食物「蒟蒻烏冬」、過口癮嘅高纖小食「南瓜堅果燕麥棒」等、亦有低卡嘅抹茶沖劑「SUPER MATCHA」，有各式各樣嘅低卡路里食物。另外仲有貼合生活嘅速食燕麥，啱晒忙碌嘅香港人！
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments