唔知有冇新手主子們喺度呢？又或者唔太知道疫情間期，可以咩網站買到毛孩們嗁日用品呢？今次想介紹毛孩日常打扮、零食、派對食物同攝影/義影服務嘅良心店舖 LET’S GO ⇢
❙ TAKE A BOW
細個睇禮服蒙面俠多，覺得著西裝打BOWTIE嘅男仕好有型。原來毛孩都可以好有型！店舖為貓、狗打造唔同花紋、顏色嘅生日帽、BOWTIE、蝴蝶結、頭巾等，多款飾物。無論係用於特別日子、生日派對、定係日常都適用。
⟠
❙ Mong Ju Ju Pet Apparel Company
📍香港九龍旺角彌敦道608號總統商業大廈(W 商場)2樓234號鋪
天氣開始凍，雖然動物本身毛髮有禦寒作用，唔少主子都會為毛孩買衫著。「懵豬豬」為各位主子提供多個選擇，專登喺韓國入貨，等毛孩可以穿搭出唔同可愛造型。
如果唔想外出，仲可以上網站選購：
⟠
❙ Dogttitude
主打自家製貓狗小食同寵物用品，純天然無添加、無防腐劑。每款小食都清楚說明用料、成份同功效，可以因應愛貓愛犬喜好而選擇口味。
網站下單可享95折：
⟠
❙ Tim’s Pawty Food for Pet
毛孩生日想搞個派對，又唔知可以準備咩招呼其他朋友仔？Tim’s就有多款寵物派對嘅食物選擇，除咗蛋糕之外，仲有雞肉卷、紫薯、牛批、雞肝布朗尼等特式小食。節日仲有其他花款，例如中秋有寵物食用嘅月餅，啱晒主子同毛孩分享節日氣氛！
⟠
❙ PAWS.FOOD
訂製餅乾口味服務，可以揀有助呼吸系統健康嘅鱷魚肉．雞肉等。另外仲有主子恩物——潔牙棒！食物全部天然無添加、無防腐劑。用料上盛，亦有清楚例明，主子都可以放心購買。
⟠
❙ Momex
最後介紹嘅唔係衣、食方面，而係幫寶貝留倩影嘅寵物攝影服務。Momex有個非常具意義嘅計劃——「夕陽計劃」，就係為年過13歲以上或有嚴重病患嘅毛孩們義影。快啲同毛孩留低哩刻最美好嘅時刻啦！
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments