就嚟聖誕節啦，唔知大家準備咗咩禮物畀家人、朋友或者愛侶呢？阿蛋驚大家做deadline fighter趕唔切訂，所以提早講下禮物嘅idea！今次介紹6間可以客製化禮物嘅精品店，等大家訂造一份載有專屬回憶嘅禮物，獨一無二，而且非常窩心。LET’S GO ⇢
生活小法寶 閨密之選！
❙ GiveGift.Everlasting
有裝飾類嘅永生花、木製相架等，亦有實用型嘅刻名無線充電器、首飾盒、隨身鏡等，仲有非常貼心嘅「泰國玫瑰睡眠唇膜」，盒內附送埋鏡同唇筆刷，好適合送畀嘴唇好dry嘅閨密解決乾皮同減淡唇紋。禮物外型簡約，主要白色同粉紅色，送畀媽媽或者女朋友都唔怕款式太花巧而唔鐘意啦！
油畫燈箱 浪漫之選！
❙ LAB BECOME US
有冇聽過朋友話喺深夜時份覺得空虛、寂寞、凍？油畫燈箱係漆黑中發出嘅柔光應該幫到佢！主打燈箱嘅「LAB BECOME US」有唔同尺寸嘅油箱，迷仔版更可以砌出字句，擺設有層次、有意思、亦非常浪漫。仲可以自訂入面嘅相片，等相中人陪伴渡過每個夜晚，份外暖心！
客製抽象畫 千里送禮之選！
❙ jillustrator.hk
如果想含畜地表達心意，不彷考慮客製抽象畫！可以繒畫出過往回憶、編配用色，亦相對低調。就算同朋友/愛人相隔千里嘅都可以將心意SEND畀對方，物輕情義重。另外可以選擇印刷做手機殼、攬枕、鎖匙扣等日常用品，既美觀又實用。
活潑卡通畫風 實用禮物之選
❙ LaLa gift
(@lalagifthk)
由畫人像，到設計產品、排版、印刷，「Lala gift」都一條龍包辦，唔洗左搵右搵，啱晒粗心大意嘅朋友！畫風卡通風格，加埋亮眼嘅顏色，非常可愛且有活力，相信對方都會好興奮！主打有「卡通人物運動毛巾」、「車遮光檔」同「訂製床單被套4件套裝」，全部都係日常用品，非常實用！
包羅萬有電子配件 學生/OL之選！
❙ Little S.
你講得出嘅電子配件佢地都幫到你做客製化，例如電話殼、iPad保護套、電腦袋、Airpod保護套、Switch貼紙、Switch殼、USB等等，無論係學生定OL都好適合。(不過阿蛋覺得，都冇咩邊位城市人係唔適合㗎啦) 如果唔想送擺設型嘅禮物，可以喺「Little S.」尋寶，件件都係日常使用率好高嘅配件，非常實用。
神還原愛人樣貌 情侶之選！
❙ You & Me 香港禮物專門店
主打軟陶公仔，將人物嘅輪廓同神髓都神還原，加上服飾同背景，有種置身處地嘅感覺，比起平面嘅相片更勾畫出回憶片段。可以做擺設，亦有10cm迷你版嘅「軟陶公仔鎖匙扣」，時時刻刻都可以「掛住」對方。另外仲有客製化嘅拼圖，同樣甜蜜！就好似一段關係咁，都係由瑣碎嘅事件去拚湊出完整嘅專屬回憶。大時大節唔一定要出去逼，留係屋企又可以減低中武肺嘅風險，哩份心意肉麻得嚟都好貼心㗎！
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Commenti