#投稿 叮叮叮集合喇！
造工精緻嘅花藝好物令人賞心悅目，十分適合送禮或裝飾自己嘅小天地。尤其「凝住花朵綻放時刻」嘅永生花用乾燥花深愛大家喜愛，所以今次就同大家介紹香港人嘅花藝作品！LET’S GO ⇢
咩係永生花？乾燥花？
永生花，又叫「保鮮花」。係鮮花經過特別加工處理，延長保存期限。而永生花係經脫水、脫色以及染色等工驟製作而成，令顏色保持豐富、鮮艷、有層次。
乾燥花，指製作時褪去植物中嘅水份。令到花瓣同葉硬化、褪色同出現皺摺，帶有復古風格。
兩種花各具特色，可以因應不同顏色、花種配襯配搭出特別嘅花藝作品！
良心花藝店推介
1 ❙ 蜂花說
想用文字表達心意嘅話，乾花心意卡就啱你啦！手寫書法x乾花裝飾，絕對係一份精緻嘅小禮物！經典乾花花束一直都係送禮嘅好選擇，大方又得體。款式同襯色千變萬化，總有一款啱你心水。 小編就鍾意充滿秋意嘅藍繡花花束，非常有古典氣息！
2 ❙ Myosotis flower
如果想送一啲備有功能性嘅花藝作品，咁永生花x乾花香薰空氣加濕機就啱晒你啦！設計靚可以裝飾之餘，同時保持空間濕度，仲帶一絲舒服嘅香氣啊！嚟緊秋冬季，真係送禮自用都好啱！仲有擴香石，既可當作裝飾，仲能保持房間氣味香氛四溢，又靚又實用。
3 ❙ Kelly i Flower 保鮮花工作坊
小編第一眼已經俾花•自由系列:香港加油嘅花畫吸引住，香港加油嘅字樣配合橙黃色調帶出香港人對於自由與希望嘅信念！另外推介可以珍藏美好時光嘅花相架，等你同摯愛嘅回憶同永生花一樣，永遠綻放。店舖仲有其他工作坊，例如押花杯碟、押花水樽，押花燈泡夜燈等，將花藝融入生活一部份。
4 ❙ Ode to a Flower
喺生活空間佈置花藝小擺設同掛飾，除左加入自然氣息，亦可以提升成個空間嘅格調！好適合用嚟打造自己嘅小天地！另外，喺工作嘅位置擺放擴香石，清新嘅香氣可以幫助帶走你工作嘅壓力呢！
5 ❙ Hera Flower
如果你想要個花海婚禮，就一定要搵「Hera」喇！由PRE-WEDDING嘅道具花束，以至大日子用嘅頭飾、花球、襟花、手花，甚至場地佈置嘅服務都齊全。室內、外舉辦都可以置身花海嘅感覺，尤如童話般浪漫！
6 ❙ Flowerist
大家平時慣用電腦、手機嘅鍵盤，有冇試過執過忘字呢？小編望住「Flowerist」出品嘅「浮花筆」突然好感概，感覺原來「筆」喺背負好多成長意義。以前只係用嚟寫字默書，依家就簽名埋單，甚至用作許下承諾。親手寫嘅始於同電腦打嘅唔同，或者文字嘅威力係由此而生。不如一齊親手寫封信，畀你最珍惜嘅人，又或者關心一下在囚手足吧！
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments