相信大家都試過有一刻覺得好攰，「想行開下忘記咗哩個世界」。無奈疫情關係，亦冇得出國旅行。阿蛋身同感受，所以想介紹一個只有良心店舖嘅島嶼——南丫島（資料來源：Wolipay / 2020年11月1日）一日遊當個小旅行散下心，轉換心境，踢走疲態。保持心境正面先可以堅持落下㗎嘛！LET’S GO ⇢
第一站：榕樹灣碼頭
第二站：榕樹灣大街
一落船就可以感受到小島民情。街上有唔同嘅手工藝品販賣，亦有充滿異國情調的餐館。不過唔洗心急，小編即刻為你送上午餐推薦！
第三站：輕食午餐
❙ LaLa mama's
📍南丫島沙埔舊村27號地下
係消耗體力之前先補給一下。小編私心介紹哩間隱世咖啡店，以輕食為主，唔會太飽濟，而且地理位置好似與世隔絕咁，可以「忘記哩個世界」咁享用午餐。
第四站：南丫島家樂徑
南丫島嘅行山徑比較易行，適合新手，亦唔需要好多裝備。由榕樹灣走至索罟灣路段約7公里，需時2-3小時。沿途可以見到南丫風采發電站，喺香港首個大風車，影相留念一流。
第五站：南丫島觀景台
行到山頭，可以喺觀景台休息一下，遠眺對岸嘅南區：香港仔、淺水灣、海洋公園等景致，非常怡人。
第六站：索罟灣渡輪碼頭
如果冇咁多時間，或者腳骨力冇咁好，可以由哩個碳頭搭船離開返中環。但小編建議大家沿途折返，繼續行程。
第七站：洪聖爺灣
舒展完肋骨，可以到水清沙幼嘅洪聖爺灣睇日落，欣賞一望無際嘅「橙海」，靜靜地感受大自然。
第八站：健康晚餐
行完山徑，靜望完太陽默默西沉，喺時候醫肚。最後一站，亦係返去第二站嘅榕樹灣大街。重返鬧市之前，不如試下以一餐健康素食嚟總結哩趟散心旅程。
❙ 農舍 Green Cottage
📍南丫島榕樹灣大街26號地下
由前菜到甜品，全部都係素食，所以選擇眾多。即使唔係日常有素食習慣嘅朋友仔都可以一試，偶爾健康素食都唔錯。
❙ 南島書蟲 BWC lamma
📍南丫島榕樹灣大街79號
主要供應西餐，例如PIZZA、炸排骨、漢堡包等，另有無肉餐單提供俾素食者。環境清幽，帶有書卷風味，令人感覺舒服。
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comentarios