近年唔少女仕都以「茶療」去調理身體，或者達至修身功效。到底咩係「茶療」呢？哩種養生保健同煎中藥又有咩分別？可唔可以每日飲食？一齊拆解啦！LET’S GO ⇢
咩係「茶療」？
茶療其實指以飲茶方式去達成養生保健同防病治病嘅一種方法，而材料都係天然茶葉、花草為主，無人工添加劑或者經過化學提煉。需要飲一段時間先可以達至養生保健效用。
「涼茶」係其中一種，以草藥熬製而成，用料繁多、工驟繁複，而且性質較寒，唔係人人都適合。例如常見嘅五花茶、祛濕茶等。
而近年較多人用「花茶」去取代，因為性質較溫和，女孩子月經期間都有適合嘅花茶去舒緩痛楚。另外亦因為花茶沖調方法較簡單，大部分都以熱水泡浸即可，所以深受歡迎。
良心花茶店推介
1 ❙ SAGE
小編一早被藝術感嘅包裝吸引住，用鐵罐就可以更防潮、更耐飲。無論送禮定自用都好適合㗎！三角茶包之外，佢地仲有冷泡茶，啱晒沖都唔想沖嘅怬人啦！(於合作店販賣)
2 ❙ 茶花女
主打玫瑰茶(分品種)，好啱日常飲用，尤其療生養膚。唔鍾意飲水，或者飲到口淡淡可以以性質溫和嘅玫瑰茶代替。提供大包裝，長期放辦工室都可以。
3 ❙ 澈茶 Pure Tea
好攰好攰，心情好嬲，思緒好亂，瞓唔著嘅話，不妨試下花茶去取代安眠藥。花茶唔只提神㗎，只要揀啱種類，都可以有助安神助眠，例如鬆弛神經嘅薰衣草，清心安神嘅百合花等。另外佢地嘅「試管茶禮盒」係以試管做容器代替茶包袋，亦可以循環再用，既有趣又環保。
4 ❙ Tea Step
https://teastephk.com/
鎮店嘅「炒米茶」其實係老一輩嘅「坐月必備」，有助減輕水腫、補腎、及健脾胃。基底有明目活血嘅黑米、養心補血嘅紅米、及整腸通便嘅糙米，而搭配仲有4款咁多。啱晒唔同需要同口味嘅妳！留意返，補血類型嘅飲料唔適合經期期間飲用，可以轉飲佢地古法嘅薑荼行氣活血。
5 ❙ 花語茶療
比較多調理身體嘅茶款，亦有幫助減肥嘅排毒款，可以因應個人體質去選擇有功效嘅。而且包裝得體、高貴，多款禮盒選擇，就算平日送禮定係結婚回禮都好適合。
6 ❙ 一路愛到底 Keep Our Love On
主要售賣各種結婚回禮嘅禮物，而其中一樣就係健康茶包。包裝簡約大方，用上有機紅棗同核桃，天然營養、老少咸宜。
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments