深水埗，一個最多基層嘅社區，被認為係「貼地而又多姿多彩」，吃喝玩樂包羅萬有。除咗為人熟悉嘅鴨寮街鐵皮屋、集體回憶嘅西九龍中心之外，深水埗哩個老區仲有咩值得發掘呢？LET’S GO ⇢
第1站：開胃醒神番茄午餐
❙ 番茄師兄
(@tomato_c_hing)
📍深水埗基隆街255號地舖
食飽先開始行程！中午太陽曬得猛烈，食返啲酸酸甜甜嘅開胃醒神就最適合。「番茄師兄」嘅湯底係以大量蕃茄熬製而成，酸中帶甜，而且配料風味仲有港式、日式之分。同樣百般滋味。加埋個支樽仔奶茶就PERFECT池喇！
第2站：100個香港人的傷痛故事
由創傷同學會舉辦嘅「一白故事」展覽 ，展示出藝術家「含蓄」嘅繪本，當中包括了100個香港人嘅故事。每本都以空白作封面，而繪本內嘅人物都戴住面罩，冇任何特徵，就好似一個又一個匿名故事，但細味途中，你或會發現似層相識，甚至勾起歷歷在目嘅傷痛。
❙ 「一白故事」展覽
日期：06 - 22/11 (逢星期一休息)
時間：12nn - 7pm (逢星期六、日 12nn - 5pm）
地點：深水埗大南街198號 openground
主辦單位：創傷同學會 (@t2tonlinecontact)
藝術家：含蓄 (@humchuk)
第3站：淨化心靈 重拾閱讀滋味
❙ 一拳書館 Book Punch
📍深水埗大南街169至171號大南商業大廈3/F全層
☑ 動物友善
你幾耐冇好好睇完一本書呢？電子書嘅出現令在業嘅大家都遺忘咗紙張同書藉嘅力量。長困於網絡世界，不如嘗試重回書店，重拾讀書嘅滋味。「一拳書館」提供閱讀空間與眾共樂，共享睇書嘅樂趣。哩到有好多公共圖書館借唔到、誠品冇上架嘅小眾書藉。唔知哩啲滄海遺珠，會唔會係你嘅啟蒙老師呢？
如果你21/11(六)到訪，建議晚上7點前往，順便欣賞《社區反送中前進》放映會。費用全免，但須預先報名。
第4站：細看香港公屋文化歷史
美荷樓係首八座石硤尾徙置大廈之一，標誌住香港公共房屋政策的開端，亦見證香港公屋嘅政策同巿民居住環境嘅變化。活化計劃保留咗「H」型嘅徙置大廈設計，打卡之外，亦可以嚟了解香港早期公屋特色、歷史、文化，以及人文價值。
📍九龍深水埗石硤尾邨41座
開放時間：星期二至六 12nn - 2pm 及 3pm - 5pm
(星期一、日及公眾假期休息)
第5站：暫別鬧市 靜看日落
深水埗哩個人煙稠密，其實蘊藏一個奇妙嘅小山丘。拾級而上10分鐘就到達，可以俯瞰人來人往嘅深水埗同石硤尾公共屋邨，亦可眺望昂船洲大橋。景色雖然冇高山上嘅清幽，但有種暫別鬧市嘅感覺，享受片刻寧靜。
📍美荷樓旁沿樓梯而上
第6站：晚餐
晚餐方面，搜羅咗3間推介：
i．平民價高質素 日本料理
❙ 御品·千之味
📍深水埗荔枝角道390號C號地舖
價錢親民，而且物超所值，絕對係CP值高呪日式料理店。除咗刺身、壽司，定食、燒物，仲有石板燒、爐端燒，仲不時有限定放題，一應俱全！千之味九龍、新界合共有5間分店，亦有網上訂購外賣服務。無論你住港、九、新界，都可以食到美味壽司喇！
ii．醉愛車仔麵
❙ 饗 車仔麵
📍深水埗基隆街391號地下
唔係阿蛋MK仔打錯字，而係佢地嘅醉物真係非常出色，令人想再三回味。有興趣可以睇返之前嘅文章。
iii．盞鬼FUSHION素食
❙ 素年 (＠years.hk)
📍深水埗福華街191-199號福隆大廈1號地舖
📍深水埗汝州街132號地舖
之前介紹過佢地令人驚喜嘅地方同特式賣點。有興趣可以睇返之前嘅文章。提提大家：每間分店嘅menu都唔同，而且會定期轉換，可以先上網站睇咗餐牌先。
第7站：行程完滿 肚仔圓滿
❙ 康瑞甜品
📍深水埗荔枝角道323號地舖
要圓滿咁結束行程，當然要食埋甜品啦！深水埗名物就之一嘅康端芋圓，無論熱食定凍食，配咩糖水底都咁煙韌彈牙。天氣涼涼地，阿蛋推介大家「暖胃薑汁配芋圓」同「桂棗雲耳湯底配芋圓」，食完包你暖笠笠！
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comentários