EP.2繼續介紹6間港九新嘅良心漢堡，希望大家唔洗再食凍冰冰而且食料唔新鮮嘅包。LET’S GO ⇢
❙ Beeger
📍西環堅尼地城士美菲路1-15號美新大廈地下J號舖
哩間最具標誌性一定係可以選撢以「菠蘿包」做夾層，出奇不意地夾，比起麵包夾層更香口鬆化。肉類方面有手打牛肉、手打羊肉．燒雞扒、魚、蝦，亦有供應3款素食之選。工業風嘅裝飾令環境時尚又適合打卡，餐廳仲有酒供應，假期嘅輕鬆下最好不過。食完仲可以去西環海傍行下添～
⟠
❙ Hero’s Friday
📍中環威靈頓街71號地下
📍荔枝角青山道489-491號香港工業中心A座地下A5C鋪
全港首創斑戟漢堡——「班堡」！班戟厚身、造型吸引、入口鬆軟，既新奇又好味，而且非常飽肚。早餐時段仲有得分返開「班戟配豬柳炒蛋」 ，神還原金拱門嘅熱賣。除此之外，佢地都有售麵包漢堡。用上美國頂級純牛肉，配搭出10款選擇，啱晒「牛魔王」嘅朋友。
⟠
❙ Fast Taste
📍九龍長沙灣元州街482-492號金碧閣4號舖
自家製牛漢堡肉厚多汁，除咗經典牛堡，仲有配搭鵝肝、鰻魚、軟殼蟹嘅新派漢堡。無論鍾意傳統款式定鐘意試新嘢嘅朋友都適合。較多人朝聖嘅係佢地嘅漢堡，但其實佢地仲有精緻嘅西餐主食，例如意粉、意大利飯、豬肋骨等數之不盡，加上環境舒服，好適合嚟慶祝節日或者HAPPY FRIDAY。餐廳仲好貼心咁提供張「素食之選」餐單，包括4款漢堡、3款意粉同2款意大利飯，相對多選擇。
⟠
❙ 添福漢堡
📍深水埗長沙灣道80-82號文海樓地下A1舖
添福嘅外觀、餐單、包裝上都重新改造，有現代感嘅設計，但入口係懷舊嘅港式風味。肉類只有手打牛同雞選擇，同樣地有肉汁同嫩口。
除咗漢堡，馳名嘅仲有炸雞脾同炸薯條配黑松露醬。留意店舖不設任何座位，只限外賣。
⟠
❙ Supine
📍沙田石門安群街3號京瑞廣場1期2樓210號舖
石門出名多黃店，又點少得漢堡店！用料上盛，除咗邪惡嘅牛柳薯餅堡之外，仲有大虎蝦漢堡、挪威三文魚燒菠蘿漢堡等，絕不欺場。每款漢堡都非常有份量，一啖都未必咬得晒所有配料層，口感豐富。餐廳除咗漢堡亦有日式定食同少量西餐供應。
⟠
❙ The Basic
📍元朗金輝徑28號好盛洋樓地下14A舖
漢堡感覺都比較重味同飽膩，但哩間就獨有「檸檬魚堡」，比較清新；同場亦有完全相反，牛油感較重嘅黑松露蛋牛角包，同樣抵食又美味。哩間店舖價錢平民、公道，雖然等餐較久但都物又所值、值得等待。
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments