愈嚟愈多人加入做素食者，佢地嘅理念、原因都各有不同。有見及此，香港都多咗好多素食店去滿足唔同嘅需求，尤其係彷肉嘅食品，鼓勵大家係唔殘殺動物嘅情況下，而又滿足到自己慾望。所以現今嘅素食，係唔只蔬果咁簡單、咁單調．咁乏味，反而「創作力量同幻想會嚇一跳」㗎！今日介紹5間素食店都係小編良心推介，唔講咁多 LET’S GO ⇢
❙ GOOD GOOD
(＠goodgoodgrocery)
📍西環西營盤第二街地下2號A舖
第一間介紹嘅位於港島西，屬於日式料理嘅素食。有飯/麵套餐主食，蛋糕、小法包等輕食，選擇都算多，仲可以追加甜品！食物嘅用料都以蔬果為主，唔算好大驚喜。素色初嘗者/當健康咁食都會接愛到。
提提大家：最好網上預約咗先～
⟠
❙ 齋啡 (＠vegocoffee)
📍柯士甸道154號花園大廈7B地鋪
第二間由內至外都係木色為主，充滿日本田園嘅感覺，打卡一流。食物方面就冇熱食，但輕食嘅選撢都好多，有6款口味嘅貝高同墨西哥卷，亦都蛋糕同窩夫。因為素色關係，用料上都相比健康，唔怕食完有罪惡感，最啱就係同埋閨蜜一齊嚟！
⟠
❙ 素年 (＠years.hk)
📍深水埗福華街191-199號福隆大廈1號地舖
📍深水埗汝州街132號地舖
📍荃灣三陂坊20號地舖
哩間係小編覺得最有驚喜，屬於FUSHION素色。有美式嘅「不可能漢堡包」、泰式嘅「生酮泰式沙津」、港式「黃薑粉薑汁鮮奶」等，非常盞鬼。另外亦清楚列明食材，亦可以自由選擇走五辛，非常貼心。
提提大家：3間分店嘅menu都唔同，而且會定期轉換，可以先上網站睇咗餐牌先。
⟠
❙ 走肉‧朋友
(＠my_meat_run_buddy)
📍大角咀博文街28-30號地舖
第四間介紹嘅係素食自助餐，喺香港比較少見。食物種類都算多，而且唔會淡而無味。好多食物都還原咗本體嘅樣貌、味道、甚至口感，唔講都唔知自己食緊素，啱晒「肉」望無窮嘅朋友試下！
⟠
❙ MUM 日常野菜料理
(＠mum_veggie_cafe)
📍佐敦彌敦道380號香港逸東酒店LG樓8號舖
最後哩間位置或者再唔起眼，喺洒店入面。食物選擇唔算好多，以菜類為主，冇太多花巧，但絕不欺場，份量十足。比較適合健康飲肉、冇「肉」望嘅真素食者。
⟠
如果有任何小店優惠、告急、或者想我地喺平台撰文介紹，都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments