飾物除咗點綴到當日衣著，仲可以戴出個人風格同品味，用觀感去留低一個形象。今次為大家搜羅6間飾品店：有歐美型格、高貴優雅、少女和風同調皮玩味，總有間值得你停留望望！LET’S GO ⇢
❙ OPENROOM JEWELRY
📍旺角西洋菜南街百寶利商業中心1302室
非常有個人風格嘅金、銀器飾物店。款式型格、設計俐落，風格偏向歐美。主要配搭珍珠同閃石，低調得嚟又帶點貴氣，日常或隆重日子要盛裝打扮都適合。
⟠
❙ Celia Celeste
設計獨特，風格優雅，而且素材上盛，會用上淡水珍珠、鍍金頸鏈、施華洛世水晶等。佢地更有「婚嫁系列」，用料、款式、手工都絕不欺場。飾頭唔會過於花巧、俗氣、複雜，可以當日常款式咁戴。
⟠
❙ Dear Jill Accessories
主打押花飾物，耳環設計比較有層次、且複雜，可以提升造型看似好有心機打扮咁。頭夾比較簡約、日常，比較容易配搭。花款由少女、輕熟、到成熟風格嘅都有，鍾意和風嘅朋友唔好錯過！
⟠
❙ Bernice . C
風格日系，用色粉嫩，係一間令人少女心大爆發嘅押花飾物店！款式比較輕熟，適合OL返工、去飲宴，或者日常點綴純色衫等。另外仲可以訂製同一個花款嘅耳環、頭夾、及頸鏈，可以一套咁配戴。
⟠
❙ Blockssories
有冇朋友仔鍾意玩LEGO，有種積木情義結呢？哩間飾物全部都由積木組成，非常有玩味。而且顏色搭配得好色彩繽紛，青春少女得嚟又盞鬼。除咗耳環，仲有手鍊、頸鍊、扣針、鎖匙扣，都係店主設計同人手製作㗎！
⟠
❙ BADASU
同樣是用心手作嘅耳環店。主打恐龍耳環，有唔同類型、姿態、顏色嘅恐龍。全部人手上色，亦可以自訂顏色。塑膠耳環比較輕身，所以掛隻恐龍都唔會令耳珠有負擔。而且店舖用咗日本進口UV膠，聲稱唔會變黃，收藏都唔錯。
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments