「哩個世界係冇醜嘅女人，只有懶嘅女人」相信各位女孩子每日都唔用唔少心機、時間去扮靚，打扮完人都精神啲、開朗啲。阿蛋覺得，有良心嘅女仔特別靚！所以今日想介紹6位靚靚嘅YOUTUBER。佢地平時有分享護膚心得、妝容示範、穿搭技巧、新品開箱等，記得瘋狂CLS佢地啊！即刻介紹，LET’S GO ⇢
穿搭啟發 著出個人風格
❙ Angela Chan
YT頻道：ANGELAMIUZ
有時望住成個衣櫃都係衫，但諗唔到點襯？Angela或者可以啟發到你！非常有個性，而且擅於打扮嘅Angela經常喺社交媒體分享個人穿搭。健康性感、高貴優雅、簡約日常，甚至玩味濃嘅派對穿搭都有。頻道亦有分享妝容同護膚嘅心得。雖然YT更新唔算快，但每條片段都好用心剪接，加插繪畫，視覺上非常豐富。
幫你試下伏唔伏！
❙ Dora 多啦
有勇氣去做「試伏器」嘅Dora，不時喺頻道分享購入嘅戰利品，較多為韓國同台灣嘅開架品牌，啱晒小資女收睇。Dora亦有唔少測試片段，實話實說，而且有片、有圖、有真相。跟住佢嘅介紹就唔會中伏啦！
另外，Dora仲有另一個頻道講下日常生活，大家一齊去CLS啦！
專業化妝技巧分享
❙ 阿花
YT頻道：A H F A M A K E U P
阿花係一個新娘化妝師，所以不時會喺頻道分享好用嘅護膚品同私藏嘅化妝品，仲會親身上陣示範護膚程序同分享化妝技巧。較多嘅專貴品牌，比較適合願意投資喺扮靚嘅女仔。
貴精不貴多 人母嘅護膚選擇
❙ Mingsze 明思
(@mingszee)
YT頻道：Mingsze 明思
將要成為兩位小朋友嘅靚靚人母「明思」佢嘅頻道非常多元化，除咗美容護膚、家居收納技巧、煮食分享、「湊B生活」等。明思嘅說話清晰、有條理，而且片速適中，所以不乏趣味。
值得收看 資訊型頻道
❙ Heyman Lam
YT頻道：HEYMAN LAM
Heyman嘅片段內容較為豐富，提及嘅品牌同系列眾多，開架、專櫃都有，可以因應個人消費能力或喜好去觀看影片。片段時間一般較長，但而非因為語速或表達不善，而係非常有內容且資訊性。好值得花時間睇嚟美容頻道！
貪靚媽媽嘅扮靚心得
❙ Kiko Li
YT頻道：kikolimakeup
Kiko以前不時會分享美甲、化妝、護膚、穿搭等美容資訊，不過頻道近兩年由可愛嘅囡囡「善兒」「接手」，轉為分享同囡囡亙動嘅日常，相信大家都會母愛大爆發！不過Kiko仍然不時喺IG到分享美容同扮靚心得，如果想知媽媽應該選用咩護膚，就一定要CLS佢喇！
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و ̑̑
Comments