香港人撐香港人／良心娛樂頻道・你CLS咗未？

Dec 10, 20202 min read

今日想先多謝要介紹嘅6個娛樂性十足嘅YT頻道，特別喺咁難捱嘅2020年為香港人帶嚟歡樂。娛樂性質嘅頻道包括綜藝、街坊、實測、微電影等原素，今次先講下綜藝為主嘅娛樂頻道，等大家可以一齊跟住玩、跟住笑。另外亦可以係冇晚市堂食嘅情況下，多個選擇去睇住「撈飯」。LET’S GO ⇢

WHIZOO

(@whizoolab)

YT頻道：WHIZOO

「WHIZOO」嘅影片不論題材、剪接同節奏上都令人上癮咁追片睇，內容貼地，主要圍繞潮流。其中系3個系列係小編私心推介：《餓狼の傳說》、《創意料理食驗室》同《XX大字典》。頻道所有影片都係合家歡影，除咗分享樂趣，仲可以藉影片認識更多香港歷史、文化同特色。

Pomato 小薯茄

(@pomatohk)

YT頻道：Pomato 小薯茄

90後會比較有共鳴嘅「小蕃茄」5個主要幕前會分拆做唔同組合、系列，令內容同題材更多元化同娛樂性，偶爾亦會有幕後班底同嘉賓客串，頻道上嘅片段唔會單一乏味。小編私心推介：勾起更多90後童年嘅《吾識問答大賽》、令人樂在其中嘅《薯茄PARTY GAME》同好笑到爆登嘅《雪櫃冷笑話》。

Made in Hong Kong 香港製作

(@mihk.madeinhk)

YT頻道：MIHK VLOG

本來以旅行VLOG同街頭實測片為主嘅「MIHK」事隔半年，頻道就轉向綜藝節日，但保留咗隊友之間嘅亙相整蠱，相當調皮又抵死，果然「睇人仆街最開心」！期待之後佢地出更多綜藝影片，帶更多歡樂給香港！

Poop Stirrer 攪屎棍

(@poopstirrer)

YT頻道：Poopstirrer

近年有新成員加入，亦有舊成員退居幕後嘅「攪屎棍」一貫好笑、寫實嘅風格，為香港人帶嚟一個綜藝頻道，將佢地團隊嘅歡欣感染觀眾。小編私心推介：主要笑EG嘅《恐懼鬥箱》，見字都想笑嘅《不準笑遊戲》同聽極都唔知佢講咩嘅《大肥英文世界級》。

冬OT

(@dun0t)

YT頻道：冬OT

多面發展嘅「冬OT」有微電影、女生清談、問答遊戲等影片類型，迎合大眾口味。除咗有創新嘅遊戲玩法，成員之間嘅互動亦增加氣氛同娛樂性。小編私心推介：可能係史上最唔公平嘅問題遊戲《我要打四個》，有自己加規矩嘅桌遊《話事屋》，同埋膽小者勿看嘅《想揭你條尾》。今年疫情問題冇得玩大學迎新營，或者可以同冬OT玩揭尾故，稍稍感受氣氛啦！