香港人生活忙碌，好多時早餐都只係咬個麵包，有時真係好乾好乏味。近年香港出咗好多本土、Made in HK嘅手工醬，咸甜都有，不妨為日覆日嘅生活加添味道喇。今次介紹嘅6間醬料店舖，產品唔只早餐搽麵包食，可以下午茶夾餅乾、水果，烹調時候做調味，甚至可以沖飲品添！LET’S GO ⇢
❙ THE NUTTER COMPANY
除咗「看門口」嘅花生醬之外，亦有杏仁醬、腰果醬、榛子醬、榛子朱古力醬、及核桃醬。全部不含糖、鹽、油、添加劑同防腐劑，非常新鮮同健康。因為醬料成份只有堅果，不含反式脂肪，所以適量地攝取都唔怕變肥！而唔同嘅堅果自身有唔同益處，例如杏仁含豐富蛋白質有助增肌、有助皮膚同頭髮健康、降低血糖、血壓及壞膽固醇等；腰果有助潤腸通便、抗氧化，預防心臟病等；核桃有助減重、增加肌肉、抗氧化等。可以話健康早餐之選！
搽麵包之外亦可以伴烹調沙律醬、湯圓等咸食，或蛋糕、蛋糕、窩夫等甜食。
⟠
❙ NUTTIEB
主要售賣花生醬同腰果醬，無添加油、糖、或防腐劑。適合低醣飲食者同素食人士。店主仲會不時分享醬料食法，例如低卡花生醬麻醬雞絲粉皮、香蕉花生醬SMOOTHIES等。一樽醬料多多變化，健康又有營養，啱晒每日早餐醒神！
⟠
❙ Let's jam 一起果醬
📍尖沙咀松山道15-17號地下D鋪
將果醬帶到入餐廳，造出各式冷熱咸甜佳宜嘅食物，非常有心思！佢地仲有季節限定嘅「榴槤Jam」、口感豐富多層次嘅「蛋黃菠蘿Jam」、果甜肉香嘅「水蜜桃Jam」等。除咗伴配品、搽包點之外仲可以加梳打水變身成特飲㗎！
⟠
❙ Into The Wild
主打四款橄欖醬：羅勒黑橄欖醬、紅胡椒青橄欖醬、紅菜頭青橄欖醬、及紅胡椒希臘橄欖醬，全部純天然，無麩質，素食者都可食用。店主選用嘅食材都係原態食物，即非加工食品，相對健康有營養。可以用作烹調用途，例如製作薄餅、意粉等，完成品一定充滿地中海風味！
⟠
🥚 雞 蛋 情 報 ・ 真 香 港 人 資 訊 平 台
❙ 街坊報料：移步去網站
❙ 商戶合作：852eggies@gmail.com
Comments