上次介紹咗6間充滿香港風味嘅手工店，而今次都係推薦具本土特色、Made in HK嘅手作店，不過集中討論「皮革」。原來一塊皮可以造出唔同香港風味嘅作品㗎，LET’S GO ⇢
寄託港人精神與信念嘅皮革品
❙ 修皮啦 Saupeilaa
由全職學生打理嘅「修皮啦」作品非常本土，例如「獅子山airpod套」、「香港御守符」等，既有願景，亦有香港特色。另外除咗較常見嘅牛皮之外，佢地仲有山羊皮可選，相對冇咁易花、耐用啲。
香港人先會感受到嘅皮革品
❙ Wanderer
☑ 工作坊
獨特嘅「占卜餅(Fortune Cookie)」為香港人帶點希望、而象形嘅「光時五缺旅行牌」又造出近年移民潮嘅心悒。充滿香港情感嘅「Wanderer」，用一對巧手製造出嚟嘅香港，喺香港人眼中好似多一份感覺。
夢幻色系馬臀皮・女生適用
❙ 指心革物
☑ 工作坊
用上意大利A級牛革同多國馬臀皮，造出大大小小嘅皮革品。設有工作坊，除咗購買之外仲可以親手製造，享用物品之餘仲可以享受過程。
特別嘅布藝與皮革
❙ 叉
哩間嘅完成品好特別，多以布物同皮革品配襯，令整體多種親和力。佢地嘅布款都好特別，例如圖中作品「牛皮紙文件夾配紅白藍筆袋」，有個人創作特色，亦用上帶香港風味嘅花紋圖案，夠晒玩味！
剛烈、粗獷皮革品・男生適用
❙ Michael Cheung
☑ 工作坊
小編從皮革作品感受到有種剛烈、有點粗獷。比起夢幻、繽紛嘅皮革品，Michael嘅作品多一份實實在在嘅真誠。佢仲有拍皮革教學嘅影片，不過一對一學習應該更容易上手，有監督同指導之下，製成品嘅細節就更精緻啦！設有工作坊，有唔少男仔都會去整手袋俾女朋友，就嚟聖誕節啦，男孩子們識做啦！
未來手工皮鞋工場
❙ Rawcraft Handmade
香港的確唔夠多生產線，但勝在多熱血、有志氣嘅人才。佢地嘅目標係要成為「香港本土手工皮鞋工場」，所以店內係有人手製作、度身訂造嘅皮鞋，係罕見嘅Handmade in HK皮鞋。另外仲有好多特別嘅訂製品，例如電單車側袋、電單車扭油筒、電單車座位等，非常考功力。
⟠
如果有任何小店優惠、告急、或者想我地喺平台撰文介紹，
都可以IG私訊、網站填form、或者電郵致 852eggies@gmail.com
我地會盡所力，為大家帶嚟更多真香港人情報 (•̀ᴗ•́)و
Comments